Það komu nokkrar íslenskar atvinnukonur í fótbolta við sögu í leikjum dagsins í Evrópu, þar sem Selma Sól Magnúsdóttir lék allan leikinn í þægilegum sigri Rosenborg í undanúrslitum norska bikarsins.
Rosenborg mætir því annað hvort Vålerenga eða Brann í úrslitaleiknum.
Í Belgíu var Diljá Ýr Zomers í byrjunarliði Leuven og skoraði fyrsta mark leiksins í þægilegum fjögurra marka sigri gegn Waregem í efstu deild.
Leuven er á toppi belgísku deildarinnar með 13 stig eftir 5 umferðir.
Í sænska boltanum skoraði Hlín Eiríksdóttir í 2-0 sigri Kristianstad gegn Brommapojkarna, en Guðný Árnadóttir var einnig í byrjunarliðinu. Kristianstad er í fjórða sæti efstu deildar, þremur stigum frá Evrópubaráttunni.
Hin bráðefnilega Sigdís Eva Bárðardóttir kom þá inn af bekknum í 1-1 jafntefli Norrköping gegn Vittsjö á meðan María Catharina Ólafsdóttir Gros byrjaði í 1-0 tapi Linköping gegn AIK.
Íslendingalið Norrköping og Linköping sigla bæði lygnan sjó um miðja deild.
Að lokum kom Arna Þráinsdóttir inn af bekknum í 4-0 sigri OB gegn Kolding í efstu deild danska boltans. Odense er þar í þriðja sæti með 12 stig úr 7 umferðum.
Waregem 0 - 4 Leuven
0-1 Diljá Ýr Zomers ('17)
0-2 H. Eurlings ('46)
0-3 S. Pusztai ('61)
0-4 S. Janssen ('76)
Kristianstad 2 - 0 Brommapojkarna
1-0 C. Polkinghorne ('52)
2-0 Hlín Eiríksdóttir ('86)
Roa 1 - 3 Rosenborg
Norrkoping 1 - 1 Vittsjo
AIK 1 - 0 Linkoping
Odense 4 - 0 Kolding
Athugasemdir
