Hákon Arnar og Ísak Bergmann.
Það eru tveir Íslendingar á meðal „undrabarna" í Football Manager 2023 tölvuleiknum - líkt og það var í síðustu útgáfu leiksins.
Nýjasta útgáfan af tölvuleiknum vinsæla kemur út 8. nóvember næstkomandi. Svokölluð Beta útgáfa leiksins er komin út núna og geta þau sem forpöntuðu leikinn spilað hann núna.
Í leiknum setur spilarinn sig í spor knattspyrnustjóra í hinum stóra heimi fótboltans. Leikurinn er mjög ítarlegur og kafað er djúpt ofan í hlutina.
Vefsíðan FM Scout hefur gefið út út lista yfir „undrabörnin (e. wonderkids)" í leiknum. Það eru leikmenn sem eru mjög efnilegir og geta orðið mjög góðir þegar líður á.
Báðir Íslendingarnir sem eru á þessum lista koma af Skaganum. Það eru Ísak Bergmann Jóhannesson og Hákon Arnar Haraldsson. Þetta er þriðja árið í röð sem Ísak kemst á þennan lista en hann hefur verið gríðarlega góður í leiknum síðustu árin.
Með honum á listanum er Hákon Arnar Haraldsson, góðvinur hans. Þeir eru svipað góðir í leiknum og er ekki heimskulegt að kaupa þá í sín lið.
Þeir fá báðir 80 í einkunn en það ætti að duga þeim til þess að verða frábærir leikmenn fyrir félög í ensku úrvalsdeildinni..
Hákon Arnar og Ísak Bergmann spila báðir með FC Kaupmannahöfn Í Danmörku.
Athugasemdir
