Fred í búningnum fallega.
Fram og KA mætast í lokaumferð Bestu-deildar karla klukkan 14:00 á morgun en leikið er á Lambhagavellinum í Úlfarsárdal.
Leikurinn er jafnframt styrktarleikur fyrir Ljósið, stuðningsmiðstöð fyrir fólk sem hefur fengið krabbamein og aðstandendur þeirra.
Leikurinn er jafnframt styrktarleikur fyrir Ljósið, stuðningsmiðstöð fyrir fólk sem hefur fengið krabbamein og aðstandendur þeirra.
Í samstarfi við hönnuðinn Gunna Hilmars og Errea, hefur Fram skapað einstakan búning sem endurspeglar samstöðu, styrk og sköpun. Búningurinn er meira en einfaldur keppnisfatnaður – hann er hluti af þessu sérstaka styrktarverkefni sem tileinkað er Ljósinu. Leikmenn Fram munu klæðast búningnum í leiknum gegn KA.
Treyjan er fáanleg í takmörkuðu upplagi og er til sölu í íþróttamiðstöð Fram í Úlfarsárdal, í verslun Errea í Bæjarlind 14 og í vefverslun Errea.
Andvirði treyjusölu og aðgangseyrir leiksins renna til Ljóssins, til styrktar þeirri mikilvægu starfsemi sem þar fer fram. Treyjuna verður að sjálfsögðu líka hægt að kaupa á leiknum.
Framarar hvetja stuðningsmenn sína og aðra fótboltaáhugamenn og velunnara Ljóssins til að fjölmenna á leikinn á laugardaginn. Markmiðið er að fá yfir 1000 áhorfendur á á leikinn og helst að fylla stúkuna. Leikmenn Fram og KA hafa ákveðið að styrkja þetta góða málefni og munu þeir allir greiða aðgangseyri á leikinn.
Miðar á leikinn eru seldir hér
Þeir sem ekki komast á leikinn en vilja styrkja málefnið geta gert það í gegnum Stubb.
Fyrir þá sem vilja gerast Ljósavinir er hægt að skrá sig hér.
Sjáumst á laugardaginn á Lambhagavellinum og klárum þetta tímabil með stæl!
Athugasemdir
