Danski bakvörðurinn Patrick Dorgu er í byrjunarliði Lecce sem tekur á móti Ítalíumeisturum Inter í ítalska boltanum í dag.
Dorgu er eftirsóttur af ýmsum félögum úr ensku úrvalsdeildinni og virðist Manchester United leiða kapphlaupið, en Lecce er sagt hafa hafnað 27 milljón punda tilboði félagsins.
Lecce sættir sig ekki við minna en 35 milljónir punda til að selja Dorgu í janúarglugganum.
„Markmiðið okkar er að halda leikmanninum í janúar. Auðvitað verður maður að vera raunsær ef ákveðið hátt tilboð berst, en við viljum helst halda okkar bestu leikmönnum í janúar," segir Sticchi Damiani, forseti Lecce.
Athugasemdir
