Rashford vill komast til Barcelona
Fer Nkunku til Man Utd?
Mörg félög hafa áhuga á Jhon Duran
Enski sóknarmaðurinn Marcus Rashford er áfram í aðalhlutverki í Powerade-slúðurpakkanum og þá koma þeir Alejandro Garnacho, Christopher Nkunku og Jhon Duran einnig við sögu.
Marcus Rashford (27), sóknarmaður Manchester United, er tilbúinn til að taka á sig launalækkun til að komast til Barcelona í janúarglugganum. (Daily Star)
Það gæti þá hjálpað Barcelona verulega að ná í Rashford ef danski varnarmaðurinn Andreas Christensen (28) yfirgefur spænska félagið. (Mundo Deportivo)
Manchester United vill vera upplýst um stöðu franska sóknarmannsins Christopher Nkunku (27) og framtíð hans, en hann vill fara frá Chelsea. Alejandro Garnacho (20) gæti farið í skiptum. (ESPN)
Giovanni Manna, íþróttastjóri Napoli, hefur staðfest áhuga félagsins á Garnacho og Karim Adeyemi (23) sem spilar með Borussia Dortmund, en bætti því við að ítalska félagið mun ekki greiða upphæðir sem fara yfir markaðsvirði þeirra. (DAZN)
Manchester United hefur lagt fram endurbætt 27 milljóna punda tilboð í danska vinstri bakvörðinn Patrick Dorgu (20), en Lecce hefur hafnað boðinu. Félagið vill 35 milljónir punda. (Talksport)
Newcastle United ætlar að bjóða sænska framherjanum Alexander Isak (25) nýjan langtímasamning í sumar. (Telegraph)
Real Madrid er komið í baráttu við Paris Saint-Germain og Al-Nassr um kólumbíska sóknarmanninn Jhon Duran (21, en hann er á mála hjá Aston Villa. (Footmercato)
Slóvenski framherjinn Benjamin Sesko væri frekar til í að fara til Arsenal en Chelsea og Manchester United, en RB Leipzig vill ekki selja þennan 21 árs gamla leikmann í janúarglugganum. (Talksport)
Jose Mourinho, þjálfari Fenerbahce í Tyrklandi, vill fá spænska vængmanninn Ansu Fati (22) á láni frá Barcelona til að auka möguleika félagsins í titilbaráttunni. (AS)
Chelsea hefur samþykkt 12 milljóna evra tilboð Lazio í ítalska miðjumanninn Cesare Casadei (22) en Chelsea myndi fá 25 prósent af endursöluvirði leikmannsins. (Sport Italia)
Said Benrahma (29), leikmaður Lyon, hefur verið orðaður við Ipswich Town, en er nú í viðræðum um að ganga í raðir Neom SC sem spilar í B-deildinni í Sádi-Arabíu. (Footmercato)
Athugasemdir
