Chelsea hefur spurst fyrir um Alexander Isak, sóknarmann Newcastle, en frá þessu er sagt á Daily Mail.
Samræður hafa átt sér stað á milli félaganna en Chelsea hefur mikinn áhuga á því að kaupa Isak.
Chelsea veit samt sem áður að ef félagið ætlar að kaupa Isak, þá þýðir það líklega að hann verði dýrasti leikmaður í sögu félagsins. Chelsea keypti miðjumanninn Moises Caicedo fyrir 115 milljónir punda síðasta sumar og er hann núna sá dýrasti í sögu félagsins.
Isak skoraði 25 mörk í öllum keppnum fyrir Newcastle á síðasta tímabili. Hann sýndi það að hann er einn besti sóknarmaður ensku úrvalsdeildarinnar.
Newcastle keypti hann fyrir 63 milljónir punda frá Real Sociedad sumarið 2022.
Athugasemdir