Sara Björk Gunnarsdóttir lék sinn fyrsta deildarleik með Al Qadsiah er liðið tapaði fyrir Al Ittihad, 2-1, í fyrstu umferðinni í Sádi-Arabíu í dag.
Fyrrum landsliðsfyrirliðinn samdi við Al Qadisah í sumar eftir að hafa spilað með Juventus á Ítalíu.
Á síðasta tímabili hafnaði Al Qadisah í 4. sæti í átta liða deild og ákvað að styrkja leikmannahópinn fyrir átökin þetta tímabilið.
Sara Björk var stjörnuleikmaðurinn sem félagið samdi við en hún lék sinn fyrsta deildarleik í dag.
Hún byrjaði á miðsvæðinu í 2-1 tapi en næst mætir liðið ríkjandi meisturum Al Nassr.
Deildin var sett á laggirnar árið 2022 og hefur Al Nassr unnið hana í bæði skiptin.
Athugasemdir