Veerman, sem er 25 ára gamall, spilar með PSV Eindhoven en hann var í gær að spila sinn tíunda landsleik fyrir Holland.

Honum var skipt af velli í fyrri hálfleiknum en hann virtist ekki vita hvort hann væri að koma eða fara í leiknum.

„Ég fann til með Joey Veerman en ég var ánægður að hann var tekinn út af. Það var orðið mjög sorglegt að horfa á hann spila," sagði fyrrum hollenski landsliðsmaðurinn, Rafael van der Vaart, í hollenska sjónvarpinu í gær.

Veerman var miður sín þegar hann var tekinn af velli eftir 33 mínútna leik og grét hann á bekknum eins og sjá má hér að neðan.

Þrátt fyrir tapið í gær eru Hollendingar komnir í 16-liða úrslitin.