Á BirminghamMail er annað nafn nú orðað við þjálfarastöðuna. Það nafn er að svo stöddu meiri vangavelta frekar en byggt á einhverjum föstum grunni því fyrrum landsliðskona Englands, Casey Stoney, var á mánudagskvöld látin fara sem þjálfari San Diego Wave í bandarísku deildinni.

Greinarhöfundur er spenntur fyrir henni sem þjálfara en hún gerði flotta hluti sem þjálfari kvennaliðs Manchester United áður en hún hélt til Bandaríkjanna þar sem hún hafði gert flotta hluti fram að tímabilinu í ár sem hefur ekki farið vel af stað hjá Wave.

Það er þó álit almennings að ráðamenn hafi verið ansi grimmir þegar þeir létu Stoney fara. Ein af þeim sem tjáði sig er einmitt Carla Ward, fyrrum þjálfari Aston Villa.

Stoney er 42 ára og lék á sínum tíma með Arsenal, Chelsea og Liverpool. Hún lék 130 landsleiki fyrir England.