Treyjan sem Sergio Aguero klæddist þegar hann skoraði sigurmarkið fræga í uppbótartíma gegn QPR þann 13. maí 2012 er á leið á uppboð.
Með markinu tryggði Aguero fyrsta meistaratitil City í 44 ár.
Með markinu tryggði Aguero fyrsta meistaratitil City í 44 ár.
Treyjan hefur aldrei verið þvegin og er talið að hún verði seld á að minnsta kosti 3,3 milljónir króna.
Umrætt mark er eitt frægasta mark í sögu ensku úrvalsdeildarinnar. Aguero vann fimmtán stóra titla á tíu árum hjá City og er fjórði markahæsti leikmaður í sögu ensku úrvalsdeildarinnar. Hann skoraði 184 mörk í 275 leikjum fyrir félagið.
Aguero lagði skóna á hilluna í desember 2021 af heilsufarsástæðum.
Treyjan verður sett á uppboð 3. nóvember.
Athugasemdir
