Lionel Messi
Franska félagið Paris Saint-Germain er að undirbúa samningstilboð handa argentínska leikmanninum Lionel Messi en þetta kemur fram í frönskum miðlum.
Messi kom til PSG á frjálsri sölu frá Barcelona á síðasta ári og gerði þá tveggja ára samning.
Hann hefur ekki enn tekið ákvörðun um framtíð sína en samningur hans rennur út á næsta ári.
Messi er opinn fyrir þeirri hugmynd að snúa aftur til Barcelona en franska félagið ætlar þó ekki að gefa sig í baráttunni.
PSG er að undirbúa samningstilboð handa Messi en félagið vill framlengja samninginn um eitt ár.
Messi hefur komið að 23 mörkum á þessu tímabili með PSG sem er á toppnum í frönsku deildinni.
Athugasemdir
