Sky Sports er meðal fjölmiðla sem greina frá því að Wolfsburg sé búið að ná samkomulagi við Brentford um kaup á danska bakverðinum Mads Roerslev.
Wolfsburg fær Roerslev á lánssamningi sem gildir út tímabilið og fyllgir 6,5 milljón evru kaupmöguleiki með.
Roerslev er 25 ára gamall hægri bakvörður sem getur einnig spilað á hægri kanti. Hann á eitt og hálft ár eftir af samningi sínum við Brentford.
Roerslev hefur komið við sögu í 19 úrvalsdeildarleikjum á tímabilinu en Brentford var að krækja sér í Michael Kayode frá Fiorentina á dögunum. Kayode er bráðefnilegur bakvörður sem gæti barist við Aaron Hickey um byrjunarliðssæti eftir að sá síðarnefndi kemur aftur úr meiðslum í febrúar.
Uppfærsla: Wolfsburg hefur staðfest félagaskiptin.
Athugasemdir
