Emil Pálsson verður sérstakur heiðursgestur hjá FH á morgun þegar liðið mætir ÍA í lokaumferð Bestu deildar karla.
„Því miður þurfti Emil að leggja skónna á hilluna í sumar en við FH-ingar gleymum aldrei hans framlagi til félagsins. Emil, takk fyrir minningarnar, titlana og vinskapinn," segir í tilkynningu frá Fimleikafélaginu.
Emil lagði skóna á hilluna fyrr á þessu ári eftir að hafa tvisvar farið í hjartastopp.
Emil fór í hjartastopp þegar hann var að spila með Sogndal í Noregi á fyrsta degi nóvembermánaðar á síðasta ári og var endurlífgaður á vellinum. Hann setti stefnuna á að halda fótboltaferlinum áfram en fór svo aftur í hjartastopp á æfingu í maí.
Emil fæddist á Ísafirði og lék með BÍ/Bolungarvík áður en hann gekk í raðir FH þar sem hann varð þrívegis Íslandsmeistari og einu sinni bikarmeistari. Auk Sogndal lék hann með Sandefjord og Sarpsborg í Noregi.
Emil Pálsson verður sérstakur heiðursgestur á síðasta leik liðsins á morgunn. Því miður þurfti Emil að leggja skónna á hilluna í sumar en við FH-ingar gleymum aldrei hans framlagi til félagsins. Emil, takk fyrir minningarnar, titlana og vinskapinn. #ViðerumFH pic.twitter.com/9jKQL1tTLq
— FHingar (@fhingar) October 28, 2022
Athugasemdir