fös 28. október 2022 15:30
Elvar Geir Magnússon
Ofurtölva spáir því að Argentína vinni HM
Mynd: EPA
Lionel Messi og Cristiano Ronaldo munu mætast í úrslitaleik HM í Katar ef spá Ofurtölvu BCA rannsóknarstöðvarinnar rætist en þar er stuðst við tölur frá FIFA tölvuleiknum ásamt upplýsingum úr leikjum á heimsmeistaramótinu 2006-2018.

Útreikningar Ofurtölvunnar skiluðu þeirri niðurstöðu að Argentína og Portúgal mætist í úrslitaleiknum þar sem Argentína vinnur í vítakeppni.

Argentína hefur unnið fjórar af fimm vítakeppnum sínum á HM. Portúgal hefur hinsegar aðeins einu sinni farið í vítakeppni á HM, gegn Englandi 2006.

England mun mæta Portúgal í undanúrslitum en tapa fyrir Ronaldo og félögum samkvæmt Ofurtölvunni.

HM í Katar hefst þann 20. nóvember.


Athugasemdir
banner
banner
banner
banner
banner