Þeir voru í algjörum lykilhlutverkum þegar Fram vann Lengjudeildina með miklum yfirburðum á síðasta tímabili.

Í sumar hefur Indriði komið við sögu í 24 leikjum, byrjað 21 og komið inn á í þremur. Albert hefur komið við sögu í 21 leik, byrjað sextán, komið fimm sinnum inn á og einu sinni verið ónotaður varamaður. Albert hefur skorað fjögur mök og lagt upp sex í leikjunum 21 og Indriði hefur lagt upp eitt.

Albert hefur ekki verið í leikmannahóp Fram í síðustu tveimur leikjum eftir að hafa skorað gegn uppeldisfélaginu ÍA í leiknum þar á undan. Indriði kom inn á sem varamaður undir blálokin í síðustu umferð í sigrinum gegn FH.

„Þeir eru báðir búnir að funda með Nonna þjálfara, eiga báðir eitt ár eftir af samningi en vilja báðir losna undan honum. Ef ég tala fyrir sjálfan mig vil ég bara fá þá upp á Skaga," sagði Sverrir.

Sjá einnig:
Íslenskur slúðurpakki - Allt morandi í sögum