Ipswich hefur staðfest komu Ben Godfrey til liðsins en hann er á láni frá Atalanta út tímabilið.
Godfrey fékk ekki mörg tækifæri hjá Atalanta og ákvað því að færa sig um set. Hann spilaði aðeins tæpar 100 mínútur fyrir ítalska liðið eftir komu sína á frjálsri sölu síðasta sumar. Hann lék þar á undan með Everton.
„Síðustu dagara hafa verið mjög spennandi og ég er í skýjunum að hafa skrifað undir og get ekki beðið eftir því að hitta strákana. Ég hef notið þess að spjalla við stjórann og fá tækifæri til að spila undir hans stjórn er mjög spennandi," sagði Godfrey.
Godfrey var mættur í stúkuna í dag en Ipswich staðfesti félagaskiptin eftir 2-2 jafntefli liðsins gegn Fulham í dag.
Athugasemdir
