Englandsmeistarar Manchester City eru búnir að senda Issa Kaboré til Bremen á lánssamningi.
Þessi efnilegi varnarmaður mun leika fyrir Werder Bremen út tímabilið en liðið er í harðri baráttu um sæti í Meistaradeild Evrópu, með 25 stig eftir 15 umferðir í þýsku deildinni.
Kaboré er 23 ára gamall og leikur sem hægri bakvörður að upplagi en getur einnig spilað sem miðvörður eða á hægri kanti.
Hann var á láni hjá Benfica í Portúgal á fyrri hluta tímabils en fékk lítinn sem engan spiltíma hjá félaginu.
Kaboré er samningsbundinn City í tvö og hálft ár til viðbótar og er hann lykilmaður í landsliði Búrkína Fasó, með 45 leiki að baki þrátt fyrir ungan aldur.
Issa Kaboré is ready to take up a new challenge with the Green-Whites ?????
— SV Werder Bremen EN (@en.werder.de) 6 January 2025 at 14:49
Full interview ????? bit.ly/KaboreInterv...
#werder
[image or embed]
Athugasemdir
