Ásdís Karen Halldórsdóttir (Valur)
Marki fagnað gegn FH.
Ásdís Karen Halldórsdóttir var besti leikmaður 2. umferðar í Bestu deildar kvenna að mati Fótbolta.net.
Ásdís Karen fór fyrir sínu liði í 2-0 sigrinum gegn FH í byrjun vikunnar. Hún skoraði bæði mörk Hlíðarendafélagsins í leiknum.
Ásdís Karen fór fyrir sínu liði í 2-0 sigrinum gegn FH í byrjun vikunnar. Hún skoraði bæði mörk Hlíðarendafélagsins í leiknum.
Sjá einnig:
Sterkasta lið 2. umferðar - Fanney að byrja frábærlega
„Skorar bæði mörk Vals í leiknum og var mjög ógnandi. Með mjög góð hlaup á bak við vörnina," skrifaði Guðmundur Aðalsteinn Ásgeirsson í skýrslu sinni frá leiknum.
Ásdís, sem er fædd árið 1999, var gríðarlega öflug á síðustu leiktíð þegar Valur varð bæði Íslands- og bikarmeistari. Frammistaða hennar á síðasta tímabili skilaði henni sæti í A-landsliði kvenna en það er spurning hvort hún verði í næsta hóp.
Ásdís Karen var í viðtali eftir leikinn gegn FH þar sem hún var spurð út í byrjunina hjá Val sem hefur unnið fyrstu tvo leiki sína á tímabilinu. „Við ætlum auðvitað að taka titilinn aftur. Það er alltaf stefnan hjá okkur og við erum búnar að gera það síðustu tvö ár. Af hverju ættum við að hætta því núna?"
Fyrri leikmenn umferðarinnar:
1. umferð - Katla Tryggvadóttir (Þróttur R.)
Athugasemdir
