Valur vill fá Eið Aron aftur.
Hjörvar Hafliðason, þáttarstjórnandi Dr. Football hlaðvarpsins, sagði frá því í þætti sínum í dag að Valur hefði boðið í Eið Aron Sigurbjörnsson hjá ÍBV.
Hjörvar segir að Valur hafi boðið markvörðinn Guy Smit sem hluta af kaupverðinu. Guy er á sölulista hjá Val eftir að hafa misst sæti sitt til Frederik Schram á nýliðinni leiktíð.
Hjörvar segir að Valur hafi boðið markvörðinn Guy Smit sem hluta af kaupverðinu. Guy er á sölulista hjá Val eftir að hafa misst sæti sitt til Frederik Schram á nýliðinni leiktíð.
Eiður er Eyjamaður sem lék með Val á árunum 2017-2020 og varð í þrígang Íslandsmeistari með liðinu. Hann gekk í raðir ÍBV fyrir tímabilið 2021, hjálpaði liðinu að komast upp úr Lengjudeildinni í fyrra og var einn allra besti leikmaður liðsins sem endaði í 8. sæti Bestu deildarinnar í ár.
„Valsmenn halda áfram að bjóða og bjóða í Eið Aron. Þeir eru með eitt flott tilboð samkvæmt mínum heimildum þar sem þeir buðu Guy Smit með. Eyjamenn þurfa markmann. Eyjamenn sögðu bara takk en nei takk," sagði Hjörvar í þættinum. Eiður, sem er 32 ára, er fyrirliði ÍBV og einn allra mikilvægasti leikmaður liðsins.
Miðað við þessar fréttir eru Valsmenn í miðvarðaleit. Rasmus Christiansen, Sebastian Hedlund og Jesper Juelsgård eru búnir að kveðja Val sem er aftur á móti að enudrheimta Orra Sigurð Ómarsson úr erfiðum meiðslum.
Þeir Halldór Páll Geirsson, Guðjón Orri Sigurjónsson og Jón Kristinn Elísson léku allir á milli stanganna hjá ÍBV í sumar. Guðjón Orri lék mest af þeim, alls átján leiki.
Guy Smit.
Athugasemdir
