Afturelding fékk ÍBV í heimsókn í síðasta leik liðanna í B-deild Lengjubikars kvenna í gær.

ÍBV fór með öruggan sigur af hólmi en liðið lagði grunninn að sigrinum í fyrri hálfleik þar sem staðan var orðin 3-0.

Allison Lowrey bætti öðru marki sínu og fjórða marki ÍBV við í seinni hálfleik og nafna hennar, Allison Clark, innsiglaði sigurinn. Elfa Sif Hlynsdóttir skoraði sárabótamark fyrir Aftureldingu undir lokin.

ÍBV er í 3. sæti með tíu stig en Grótta og HK eru stigi á eftir og mætast í síðasta leik riðilsins á föstudaginn. Afturelding lýkur leik á botninum með þrjú stig.

Afturelding Hrafnhildur Hjaltalín (m), Sigrún Eva Sigurðardóttir (59'), Hólmfríður Birna Hjaltested (87'), Andrea Katrín Ólafsdóttir, Anna Pálína Sigurðardóttir (59'), Thelma Sól Óðinsdóttir (87'), Katrín S. Vilhjálmsdóttir, Sigrún Guðmundsdóttir, Saga Líf Sigurðardóttir (77'), Hanna Faith Victoriudóttir (77'), Þorbjörg Jóna Garðarsdóttir
Varamenn Ólöf Hildur Tómasdóttir (59'), Harpa Karen Antonsdóttir (59'), Elfa Sif Hlynsdóttir (77'), Ísabella Eiríksd. Hjaltested (77'), Tinna Guðjónsdóttir (87'), Tinna Guðrún Jóhannsdóttir, Alexandra Austmann Emilsdóttir (87')

ÍBV Guðný Geirsdóttir (73') (m), Avery Mae Vanderven, Allison Patricia Clark, Edda Dögg Sindradóttir (69'), Kristín Klara Óskarsdóttir (77'), Helena Hekla Hlynsdóttir, Tanja Harðardóttir, Allison Grace Lowrey, Embla Harðardóttir, Erna Sólveig Davíðsdóttir, Magdalena Jónasdóttir
Varamenn Margrét Mjöll Ingadóttir (69), Lilja Kristín Svansdóttir, Sara Björk Bjarnadóttir, Díana Jónsdóttir (77), Ísey María Örvarsdóttir (73) (m)