Fullt nafn: Ástbjörn Þórðarson

Gælunafn: Er oftast kallaður Ási inn á vellinum. Frans kallar mig alltaf Ásti, mér finnst það aðeins frumlegra og skemmtilegra.

Aldur: 21 árs.

Hjúskaparstaða: Einhleypur.

Hvenær lékstu þinn fyrsta leik með meistaraflokki: 2015 í æfingamóti en fyrst mótsleik árið 2016.

Uppáhalds drykkur: Epla toppur.

Uppáhalds matsölustaður: Maikai og Röff bakarí.

Hvernig bíl áttu: Er á Kia Rio bílaleigubíl.

Uppáhalds sjónvarpsþáttur: The Office og Stranger Things.

Uppáhalds tónlistarmaður: Unknown Youngsta.

Uppáhalds hlaðvarp: Sterakastið.

Fyndnasti Íslendingurinn: Jón Karl Einarsson.

Hvað viltu í bragðarefinn þinn: Jarðaber, oreo og piparfylltar lakkrísreimar.

Hvernig hljómar síðasta sms sem þú fékkst: “Æði” frá mömmu.

Hvaða liði myndir þú aldrei spila með: Myndi aldrei spila með Manchester United, YNWA.

Besti leikmaður sem þú hefur mætt: Jadon Sancho.

Besti þjálfarinn sem hefur þjálfað þig: Hef verið með marga mjög góða þjálfara en þeir bestu eru Óskar Hrafn Þorvaldsson og Halldór Árnason.

Mest óþolandi leikmaður sem þú hefur mætt: Stefán Árni Geirsson.

Sætasti sigurinn: Að vinna Inkasso deildina með Gróttu.

Mestu vonbrigðin: Að falla úr Pepsi deildinni með Gróttu.

Uppáhalds lið í enska: Liverpool.

Ef þú fengir að velja einn leikmann úr öðru íslensku liði í þitt lið: Ægi Jarl Jónasson.

Efnilegasti knattspyrnumaður/kona landsins: Ísabella Tryggvadóttir og Orri Óskarsson.

Fallegasti knattspyrnumaðurinn á Íslandi: Guðjón Orri Sigurjónsson þegar hann safnar hári.

Fallegasta knattspyrnukonan á Íslandi: Get ekki gert upp á milli Ásdísar Karenar og Thelmu Lóu þannig að þær deila þessum titli.

Besti knattspyrnumaðurinn frá upphafi: Lionel Messi.

Hver er mesti höstlerinn í liðinu: Dagur Ingi Valsson er búinn að eiga gott ár.

Uppáhalds staður á Íslandi: Vesturbærinn.

Segðu okkur frá skemmtilegu atviki sem gerst hefur í leik: Í seinasta leik tímabilsins 2019, Grótta-Haukar, þegar vallarþulurinn tilkynnti að Keflavík hefði unnið Fjölni sem þýddi að við værum að vinna deildina. Sölvi Björnsson og ég hlupum og hoppuðum hvor á annan fagnandi þótt leikurinn væri ennþá í fullum gangi. Það var helvíti skemmtilegt moment.

Ertu með einhverja hjátrú tengda fótbolta: Nei alls ekki.

Fyrir utan knattspyrnu, fylgist þú með öðrum íþróttum: Fylgist eitthvað smá með körfubolta.

Í hvernig fótboltaskóm spilar þú: Vapor.

Í hverju varstu/ertu lélegastur í skóla: Vélritun.

Vandræðalegasta augnablik: Alltaf jafn vandræðalegt þegar fólk sem á að vita hvað ég heiti kallar mig Ástþór.

Hvaða þrjá leikmenn tækir þú með þér á eyðieyju: Myndi taka Gunnar Jónas Hauksson a.k.a. Guzcut svo við gætum alltaf verið með fresh fade, Alex Þór Hauksson því hann er jákvæðasti maður í heimi og myndi smita okkur hina af gleði og svo tæki ég Óliver Dag því hann gerir svakaleg pub quiz.

Sturluð staðreynd um sjálfan þig: Er litblindur.

Hvaða samherji hefur komið þér mest á óvart eftir að þú kynntist honum og af hverju: Rúnar Þór vill láta kalla sig geitina, það kom mér á óvart.

Hverju laugstu síðast: Ég laug að sjálfum mér að ég væri að fara að læra í dag

Hvað er leiðinlegast að gera á æfingum: Hlaup án bolta.

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Myndi spyrja Guðmund Andra hvernig gengi að læra norskuna.