Dele Alli.
Möguleiki er á því að Dele Alli muni ekki leika sinn fyrsta leik fyrir ítalska félagið Como fyrr en á næsta tímabili.
Dele hefur ekki spilað fótbolta í tæp tvö ár vegna meiðslavandræða og andlegra vandamála.
Dele hefur ekki spilað fótbolta í tæp tvö ár vegna meiðslavandræða og andlegra vandamála.
Hann lék aðeins 13 leiki fyrir Everton frá 2021 þar til hann var lánaður til Besiktas í janúar 2023. Hann spilaði 15 leiki í Tyrklandi.
Dele gekk svo til liðs við Como í janúar síðastliðnum en hefur ekki enn spilað sinn fyrsta leik fyrir félagið. Cesc Fabregas, þjálfari Como, segir að það þurfi að sýna enska miðjumanninum þolinmæði.
„Ég vil ekki setja pressu á hann. Dele hefur ekki spilað í marga mánuði. Frá og með næsta mánudag þá mun hann æfa á fullu með liðinu," segir Fabregas.
„Við erum hér til að hjálpa honum. Ég tel að við getum gert það. Hann þarf þolinmæði."
Fabregas segir að Dele sé að vinna í því að komast í gott stand fyrir næsta tímabil.
Athugasemdir
