Reece James, fyrirliði Chelsea, er byrjaður að æfa aftur á fullu og getur snúið aftur gegn Liverpool um helgina.
James hefur átt í gríðarlegu basli með meiðsli síðustu ár en hann hefur ekkert komið við sögu með Chelsea í ensku úrvalsdeildinni á þessu tímabili.
„Hann er kominn aftur, loksins kominn til baka," sagði Enzo Maresca, stjóri Chelsea, við fréttamenn í dag.
Maresca sagði jafnframt að James muni taka því rólega til að byrja með.
„Hann mun bara spila einn leik á viku í mesta lagi. Líkami hans getur ekki höndlað tvo leiki á einni viku," sagði Maresca.
Athugasemdir