Jón Dagur Þorsteinsson og félagar í Herthu Berlín eru komnir aftur á sigurbraut í þýsku B-deildinni en liðið vann öflugan 3-1 sigur á Braunschweig í kvöld.
Landsliðsmaðurinn var í byrjunarliði Herthu en var skipt af velli í hálfleik en þá var staðan 1-0 fyrir gestina.
Hertha skoraði þrjú mörk í síðari hálfleik, þar af tvö úr vítum, en liðið er nú komið upp í 6. sæti deildarinnar með 14 stig, en liðið hafði ekki unnið í síðustu tveimur leikjum á undan.
Lærisveinar Milosar Milojevic í Al-Wasl hófu bikarvörnina með krafti en liðið vann 3-1 sigur á Al Wahda.
Aron Einar Gunnarsson var ekki í leikmannahópi Al Gharafa sem vann 3-1 sigur á Umm-Salal í stjörnudeildinni í Katar. Al Gharafa er í 5. sæti deildarinnar með 11 stig.
Athugasemdir