Frakkland tók toppsætið í 2. riðli af Ítalíu í A-deild Þjóðadeildarinnar í lokaumferðinni í kvöld.
Adrien Rabiot kom Frökkum yfir strax á 2. mínútu og Frakkar náðu tveggja marka forystu eftir rúmlega hálftíma leik.
Lucas Digne tók aukaspyrnu en boltinn fór í slá og fór af Gugliermo Vicario og í netið.
Andrea Cambiaso tókst að minnka muninn stuttu síðar en Rabiot innsiglaði sigur Frakka með skallamarki í seinni hálfleik.
Frakkar enda því á toppi riðilsins en Ítalía í öðru sæti. Bæði lið fara í úrslitakeppnina. Belgía spilar umspilsleik við lið í B deildinni um sæti í A-deild. Ísrael fellur í B-deild en Ísrael hefði þurft að vinna Belgíu með þriggja marka mun til að komast í umspilið.
Ísrael 1 - 0 Belgía
1-0 Yarden Shua ('86 )
Ítalía 1 - 3 Frakkland
0-1 Adrien Rabiot ('2 )
0-2 Guglielmo Vicario ('33 , sjálfsmark)
1-2 Andrea Cambiaso ('35 )
1-3 Adrien Rabiot ('65 )
