„Mun slá markametið, það er alveg pottþétt"

Hann er með mikið markanef og var búinn að skora fimm mörk í sex fyrstu deildarleikjum FCK á tímabilinu þegar Real Sociedad keypti hann í haust.

Rætt var um Orra Stein í umfjöllun Stöð 2 Sport um leikinn.

„Framtíðin er heldur betur björt. Þetta er leikmaður sem mun slá markametið hjá íslenska landsliðinu, það er alveg pottþétt. Hann er tvítugur og er búinn að skora þessi fimm mörk í þrettán leikjum. Hann verður í landsliðinu næstu fimmtán árin."

„Hann hefur þetta allt. Það var nokkrum sinnum í kvöld, í erfiðum aðstæðum, þar sem hann var samt sem áður að ná góðum snertingum, var vel staðsettur. Þetta er okkar framtíðarleikmaður, lykilmaður í leiknum á þriðjudaginn," sagði Albert Brynjar Ingason. Á þriðjudag er leikur gegn Wales. Sigrist sá leikur fer Ísland í umspil um sæti í A-deild Þjóðadeildarinnar.

„Orri er leikmaðurinn sem gerði gæfumuninn. Þetta var basl hjá báðum liðum. Að vera með svona leikmann skiptir öllu. Orri er stöðugt að koma manni á óvart, það sem hann er að gera á vellinum og færin sem hann er að klára, það er frábært. " sagði Lárus Orri Sigurðsson.

Gylfi Þór Sigurðsson er markahæsti leikmaður í sögu landsliðsins með 27 mörk skoruð.