Markinu hans Ísaks fagnað.
Ísak biður hér dómarann afsökunar á fögnuðinum. Dómarinn aðvaraði íslensku leikmennina að fara ekki upp að stuðningsmönnum Svartfellinga og hótaði gulu spjaldi.
„Ísak og (Mikael EgillI) Ellertsson komu inn, gerðu vel, komu inn með nýja orku og það gaf okkur innspýtingu," sagði landsliðsþjálfarinn Age Hareide eftir sigurinn í Svartfjallalandi í gær.
Ísak Bergmann Jóhannesson og Mikael Egill komu inn af bekknum og gáfu sóknarleik íslenska liðsins nýtt líf. Ísak skoraði seinna mark liðsins sem innsiglaði sigurinn.
Ísak Bergmann Jóhannesson og Mikael Egill komu inn af bekknum og gáfu sóknarleik íslenska liðsins nýtt líf. Ísak skoraði seinna mark liðsins sem innsiglaði sigurinn.
Lestu um leikinn: Svartfjallaland 0 - 2 Ísland
„Ísak býr yfir þeim gæðum að geta komið og klárað, það er gott fyrir hann, hann er á mörkunum að brjóta sér leið inn í liðið. Við erum með marga miðjumenn og ég veit að Ísak hefur gert vel með Fortuna Düsseldorf. Hann býr yfir gæðum þegar kemur að því að klára færi," sagði Hareide.
Markið hjá Ísaki var hans fjórða á landsliðsferlinum og leikurinn í gær var hans þrítugasti með A-landsliðinu.
Athugasemdir
