Agaleg mistök en liðið komst áfram.
Róbert Orri Þorkelsson kom inn í byrjunarlið norska liðsins Kongsvinger í dag þegar liðið mætti Lyn í 1. umerð umspilsins i norsku B-deildinni. Kongsvinger þarf að fara í gegnum fjórar umferðir til að komast upp í efstu deild.
Liðið mætti Lyn í dag og lenti undir á 38. mínútu. Þar gerði Róbert Orri sig sekan um slæm mistök. Hann misreiknaði eitthvað lausan bolta inn á eigin vítateig og skóflaði honum í eigið net. Atvikið má sjá hér að neðan. Róbert var svo tekinn af velli á 79. mínútu leiksins fyrir Daniel Lysgard.
Liðið mætti Lyn í dag og lenti undir á 38. mínútu. Þar gerði Róbert Orri sig sekan um slæm mistök. Hann misreiknaði eitthvað lausan bolta inn á eigin vítateig og skóflaði honum í eigið net. Atvikið má sjá hér að neðan. Róbert var svo tekinn af velli á 79. mínútu leiksins fyrir Daniel Lysgard.
Kongsvinger var heilt yfir betra liðið í leiknum og á 85. mínútu náði liðið að jafna leikinn. Varamaðurinn Lysgard skoraði markið og í kjölfarið var framlengt. Í framlengingunni skoraði Kongsvinger eina markið og kom sér áfram í næstu umferð. Markið skoraði varamaðurinn Oscar Kapskarmo á 10. mínútu fyrri hálfleiks í framlengingunni.
Kongsvinger kláraði leikinn einu manni færri því á 112. mínútu fékk Harald Holter að líta sitt annað gula spjald.
Kongsvinger, sem endaði í 6. sæti deildarinnar, mætir Egersund í 2. umferð umspilsins.
Orðrómarnir um að Róbert Orri sé á leið til Breiðablik eru greinilega aðeins að trufla hann.
— Orri Rafn Sigurdarson (@OrriRafn) November 17, 2024
Sjaldan séð jafn skrýtið sjálfsmark - skil ekki alveg hvað gerist þarna. pic.twitter.com/fUGOq0aVyB
Athugasemdir
