Auður Sveinbjörnsdóttir Scheving hefur verið kölluð inn í A-landsliðið sem er núna í Bandaríkjunum og mun þar spila tvo vináttulandsleiki gegn heimakonum.
Fanney Inga Birkisdóttir fékk höfuðhögg á æfingu í gær og getur ekki tekið þátt í leikjunum.
Fanney hefur verið byrjunarliðsmarkvörður landsliðsins síðustu mánuði og staðið sig afar vel.
Auður, sem er á mála hjá Stjörnunni, spilaði fimm leiki með Stjörnunni í Bestu deild kvenna í sumar.
Hún hefur oft áður verið hluti af A-landsliðinu en ekki enn spilað leik með liðinu.
Cecilía Rán Rúnarsdóttir og Telma Ívarsdóttir eru fyrir í hópnum.
Fyrri leikurinn gegn Bandaríkjunum fer fram í kvöld og hefst 23:30 á íslenskum tíma.
Athugasemdir