Kvaratskhelia er lykilmaður í liði Napoli og vill félagið ekki missa hann.
Ítalska félagið SSC Napoli er búið að bjóða georgíska kantmanninum Khvicha Kvaratskhelia nýjan samning þar sem launin hans eru margfölduð.
Kvaratskhelia var fenginn til Napoli fyrir tveimur árum síðan og hefur skinið skært í ítalska boltanum, en hann á þrjú ár eftir af núgildandi samningi sínum.
Hann fær 1,5 milljón evra í árslaun eftir skatt en nýi samningurinn er sagður hljóða upp á 6 milljónir evra eftir skatt.
Það eru ýmis stórveldi sem eru talin vera áhugasöm um að kaupa Kvaratskhelia, en Napoli vill ekki selja.
Kvaratskhelia er 23 ára gamall og hefur komið að 57 mörkum í 98 leikjum í öllum keppnum frá komu sinni til Napoli.
Athugasemdir
