Jhon Durán þykir gríðarlega efnilegur og er að gera frábæra hluti í enska boltanum þrátt fyrir ungan aldur.
Sky Sports hefur það eftir öðrum fjölmiðlum að Arsenal hafi mikinn áhuga á kólbumíska framherjanum Jhon Durán, sem er aðeins 20 ára gamall.
Aston Villa vill þó ekki selja ungstirnið sitt og hefur skellt 75 milljón punda verðmiða á leikmanninn.
AS Colombia greinir frá því að Arsenal og Barcelona séu búin að setja sig í samband við Aston Villa til að reyna að kaupa Durán í janúarglugganum, en verðmiðinn er alltof hár.
Durán er kominn með 7 mörk í fyrstu 12 leikjunum á nýju tímabili, þrátt fyrir að koma yfirleitt inn af bekknum.
Chelsea og West Ham voru meðal félaga sem sýndu Durán áhuga í sumar en Aston Villa neitaði að selja hann.
Athugasemdir