Vinicius Junior var hetja Real Madrid þegar liðið tók á móti Borussia Dortmund í Meistaradeild Evrópu fyrr í kvöld.
Dortmund leiddi 0-2 í leikhlé en Real Madrid svaraði fyrir sig með fimm mörkum svo lokatölur urðu 5-2.
Vinicius átti stærsta þáttinn þar og skoraði þrjú mörk til að hjálpa Madrídingum með frábæra endurkomu.
Fyrsta markið sitt skoraði Vinicius úr þægilegu færi en seinni tvö mörkin gerði hann eftir glæsileg einstaklingsframtök.
Fyrst rak Vinicius boltann upp allan völlinn og skoraði með góðu skoti utan teigs eftir skyndisókn, áður en hann komst framhjá tveimur varnarmönnum Dortmund í uppbótartíma og innsiglaði sigurinn.
Fyrsta markið
Annað markið
Þriðja markið
Athugasemdir