Bjarni Páll Linnet Runólfsson er búinn að framlengja samning sinn við Aftureldingu um tvö ár eftir að Mosfellingar komust upp í Bestu deildina í fyrsta sinn í sögunni.
Bjarni Páll er 28 ára gamall og spilaði 19 leiki í Lengjudeildinni í sumar, þar sem hann kom meðal annars inn af bekknum gegn Keflavík í úrslitaleik umspilsins.
Bjarni leikur sem miðjumaður og hefur verið hjá Aftureldingu síðustu tvö tímabil, en þar áður lék hann fyrir HK og uppeldisfélag sitt Víking R.
„Afturelding fagnar því að Bjarni hafi framlengt samning sinn og spennandi verður að sjá hann taka slaginn í Bestu deildinni í Mosfellsbæ!" segir meðal annars í tilkynningu frá Aftureldingu.
Athugasemdir
