Thiago Motta stjóri Juventus viðurkennir að Stuttgart hafi verðskuldað sigurinn í Meistaradeildinni í gær. Þetta var fyrsta tap Juve undir stjórn Motta.
Stuttgart skoraði sigurmarkið undir lok leiksins í viðureign liðanna í Tórínó í gær.
Stuttgart skoraði sigurmarkið undir lok leiksins í viðureign liðanna í Tórínó í gær.
„Þeir voru betri frá fyrstu mínútu. Þegar þú stýrir ekki leiknum þá lendirðu í vandræðum," sagði Motta en Juventus hafði unnið tvo fyrstu leiki sína í keppninni áður en kom að þessum leik.
Liðið fékk rautt spjald í gær þegar Danilo var sendur í sturtu þegar dæmd var á hann vítaspyrna. Mattia Perin varði spyrnuna en það taldi þó lítið í lokin.
„Við þurfum að kyngja þessu tapi sem fyrst, koma okkur á fætur og búa okkur undir leik gegn Inter. Stuttgart eru erfiðir andstæðingar og áttu skilið að vinna."
Athugasemdir