Mark Palios heitir núverandi eigandi Tranmere en hann hefur átt félagið í tíu ár. Hann vinnur nú að því að selja það en hann gaf ákveðnar vísbendingar er hann var spurður út í tímaramma í nýlegu viðtali.

„ASAP," svaraði Palios en í daglegu tali þýðir það eins fljótt og mögulegt er.

Frægir einstaklingar frá Bandaríkjunum hafa séð tækifæri í enskum fótbolta síðustu árin. Frægasta dæmið er auðvitað Ryan Reynolds og Rob McElhenney sem eiga Wrexham og Tom Brady sem á hlut í Birmingham.

Núna gæti A$AP Rocky, sem er kærasti stórstjörnunnar Rihönnu, bæst í þann hóp með Tranmere sem er í D-deild á Englandi.