Ekki er greint frá því hversu langur samningurinn er, en hann er gerður til þess að binda endi á áhuga Liverpool á leikmanninum.

Gordon er 23 ára gamall og er búinn að skora tvö mörk í tíu leikjum á tímabilinu, eftir að hafa komið að 23 mörkum í 48 leikjum á síðustu leiktíð.

„Mér líkar að búa í Newcastle og ég elska að spila með þessu liði. Ég tel leikstílinn henta mér mjög vel og ég er kominn hingað til að vinna titil. Okkar markmið er að vinna titil, stuðningsmenn hafa beðið nógu lengi eftir því," sagði Gordon við undirskriftina.