KR er búið að staðfesta félagaskipti Róberts Elísar Hlynssonar til félagsins frá ÍR.
Róbert Elís, sem er fæddur 2007, skrifar undir þriggja ára samning við Vesturbæinga. Hann á þrettán leiki að baki fyrir yngri landslið Íslands.
Róbert er uppalinn hjá ÍR og var mikilvægur hlekkur í liði Breiðhyltinga í sumar, þar sem hann lék 22 leiki í Lengjudeildinni og 2 í Mjólkurbikarnum.
Hann kemur úr mikilli ÍR-fjölskyldu þar sem eldri bróðir hans Óliver Elís leikur fyrir ÍR og þá er faðir þeirra í aðalstjórn félagsins, móðirin í miðasölunni og yngri systirin er boltasækir.
FH, Valur og ÍA eru meðal félaga sem hafa sýnt Róberti áhuga á árinu.
Athugasemdir