Heimild: Gula Spjaldið
Ragnar Bragi ekki með um helgina.
Fylkir spilar upp á stoltið á laugardag og gæti haft áhrif á hvort HK eða Vestri falli niður um deild.
Fallnir Fylkismenn fara til Ísafjarðar um helgina og mæta á laugardag Vestra í lokaumferðinni. Leikurinn hefur mikla þýðingu fyrir Vestra því með sigri tryggir liðið sér sæti í Bestu deildinni á næsta ári. Ef Vestri vinnur ekki þarf liðið að treysta á að HK vinni ekki KR á sama tíma. Vestra dugar að fá jafnmörg stig og HK í lokaumferðinni til að halda sæti sínu.
Það er vatn á myllu Vestra að leikmannahópur Fylkis verður ansi þunnskipaður á laugardag. Þrír leikmenn taka út leikbann hjá Fylki í leiknum. Það eru þeir Arnór Breki Ásþórsson, Birkir Eyþórsson og Nikulás Val Gunnarsson. Sigurbergur Áki Jörundsson verður ekki með vegna meiðsla og samkvæmt heimildum Fótbolta.net er Benedikt Daríus Garðarsson einnig meiddur. Þjálfarinn Rúnar Páll Sigmundsson tekur einnig út leikbanni í leiknum.
Það er vatn á myllu Vestra að leikmannahópur Fylkis verður ansi þunnskipaður á laugardag. Þrír leikmenn taka út leikbann hjá Fylki í leiknum. Það eru þeir Arnór Breki Ásþórsson, Birkir Eyþórsson og Nikulás Val Gunnarsson. Sigurbergur Áki Jörundsson verður ekki með vegna meiðsla og samkvæmt heimildum Fótbolta.net er Benedikt Daríus Garðarsson einnig meiddur. Þjálfarinn Rúnar Páll Sigmundsson tekur einnig út leikbanni í leiknum.
Þá verður fyrirliði liðsins, og besti maður þess, Ragnar Bragi Sveinsson, ekki með þar sem hann og unnusta hans eiga von á barni.
Frá þessu greindi Fylkismaðurinn Albert Brynjar Ingason í hlaðvarpsþættinum Gula Spjaldið.
„Slæmar fréttir fyrir HK, frábærar fréttir fyrir Vestra, Ragnar Bragi mun ekki spila þennan leik af því að Gréta er sett á þessa helgi," sagði Albert.
Ragnar og Gréta Rut Bjarnadóttir eiga von á sínu þriðja barni um komandi helgi.
laugardagur 26. október
Besta-deild karla - Neðri hluti
14:00 Fram-KA (Lambhagavöllurinn)
14:00 KR-HK (AVIS völlurinn)
14:00 Vestri-Fylkir (Kerecisvöllurinn)
Besta-deild karla - Neðri hluti
| Lið | L | U | J | T | Mörk | mun | Stig |
|---|---|---|---|---|---|---|---|
| 1. KA | 26 | 9 | 7 | 10 | 40 - 47 | -7 | 34 |
| 2. KR | 26 | 8 | 7 | 11 | 49 - 49 | 0 | 31 |
| 3. Fram | 26 | 8 | 6 | 12 | 37 - 45 | -8 | 30 |
| 4. Vestri | 26 | 6 | 7 | 13 | 31 - 50 | -19 | 25 |
| 5. HK | 26 | 7 | 4 | 15 | 34 - 64 | -30 | 25 |
| 6. Fylkir | 26 | 4 | 6 | 16 | 29 - 59 | -30 | 18 |
Athugasemdir
