Arnór var á bekknum hjá Blackburn en kom inn á þegar sjö mínútur voru eftir af venjulegum leiktíma.

Blackburn hefur verið að gera ágætis hluti á tímabilinu og var að mæta WBA, sem var með jafnmörg stig og Blackburn fyrir leikinn.

Markalaust jafntefli var niðurstaðan og er Blackburn í 6. sæti með 19 stig, eins og WBA, sem er í 4. sæti með betri markatölu.

Guðlaugur Victor Pálsson var ónotaður varamaður fjórða leikinn í röð er Plymouth tapaði fyrir Millwall, 1-0. Þetta var þriðja tap liðsins í röð, en Wayne Rooney er stjóri liðsins.

Plymouth er í 21. sæti deildarinnar með 11 stig.

Sunderland vann Luton Town, 2-1, og er nú með þriggja stiga forystu á toppnum.

Hull City 1 - 1 Burnley
1-0 Xavier Simons ('45 )
1-1 Zian Flemming ('77 )

Blackburn 0 - 0 West Brom

Luton 1 - 2 Sunderland
0-1 Chris Rigg ('55 )
1-1 Elijah Adebayo ('63 )
1-2 Romaine Mundle ('66 )

Middlesbrough 1 - 0 Sheffield Utd
1-0 Emmanuel Latte Lath ('80 )

Millwall 1 - 0 Plymouth
1-0 Romain Esse ('13 )