Brasilíski sóknarleikmaðurinn Rodrygo Goes er í mikilvægu hlutverki í stjörnum prýddu liði Real Madrid.
Hann var í byrjunarliðinu á heimavelli gegn Borussia Dortmund í Meistaradeild Evrópu í gærkvöldi og spilaði 85 mínútur, þar til hann þurfti að fara meiddur af velli.
Rodrygo meiddist á nára og kemur í ljós í dag hvort meiðslin séu alvarleg.
Þjálfarateymi Real Madrid vonast til að fá Rodrygo aftur fyrir helgina þegar Spánarmeistararnir taka á móti Barcelona í eftirvæntum toppslag.
Það verður að koma í ljós hvort Rodrygo geti tekið þátt í El Clásico á laugardaginn.
Rodrygo hefur skorað eitt og lagt upp eitt í síðustu tveimur innbyrðisviðureignum gegn Barca.
Athugasemdir