Castello Lukeba er að ganga frá nýjum samningi við RB Leipzig sem mun gilda í tæp fimm ár, eða út júní 2029.
Leipzig bauð Lukeba nýjan samning í ljósi mikils áhuga á honum frá Real Madrid og félögum úr ensku úrvalsdeildinni.
Lukeba er 21 árs gamall miðvörður sem var mikilvægur hlekkur í liði Lyon áður en Leipzig keypti hann fyrir rúmlega 30 milljónir evra í fyrrasumar.
Lukeba átti frábært fyrsta tímabil í Þýskalandi og hefur vakið verðskuldaða athygli á sér, auk þess að vera búinn að spila fyrsta A-landsleik sinn fyrir Frakkland eftir að hafa verið algjör lykilmaður fyrir U21 landsliðið og U23 liðið sem hreppti silfurverðlaun á Ólympíuleikunum á heimavelli.
Núverandi samningur Lukeba gildir til 2028 en hann fær verulega launahækkun með því að skrifa undir nýjan samning til 2029.
Athugasemdir