Borussia Dortmund er þessa stundina að spila stórleik gegn Real Madrid í Meistaradeild Evrópu, þar sem staðan er 3-2 á lokakafla leiksins.
Dortmund komst í tveggja marka forystu í fyrri hálfleik en Real tókst að snúa stöðunni við og taka forystuna í síðari hálfleik.
Hér eru tvö stórlið að etja kappi en þau mættust síðast í úrslitaleik Meistaradeildarinnar fyrir sumarfrí, þar sem Real Madrid hafði betur.
Það vekur athygli að bandaríski Íslendingurinn William Cole Campbell, sem var lykilmaður í U17 landsliði Íslendinga og spilaði fyrir meistaraflokk FH og Breiðabliks, er á varamannabekknum hjá Dortmund.
Campbell þykir bráðefnilegur og skipti yfir í bandaríska landsliðið fyrr á árinu. Hann hefur skorað tvö mörk í tveimur leikjum fyrir U19 liðið hjá Bandaríkjunum og er að gera flotta hluti með unglingaliði Dortmund.
Hann hefur hrifið þjálfarateymið nægilega mikið til að verðskulda að vera í leikmannahópi meistaraflokks í stórleik kvöldsins á Santiago Bernabéu.
Athugasemdir