Spilað er í 3. umferð Evrópudeildarinnar og 2. umferð Sambandsdeildar Evrópu í kvöld. Manchester United og Tottenham eru bæði í eldlínunni í Evrópudeildinni.
Erik ten Hag, stjóri Man Utd, er með þunnskipaðan hóp, en alls eru tíu leikmenn fjarverandi gegn Fenerbahce.
Það eru mjög svo áhugaverðar breytingar á byrjunarliðinu. Lisandro Martínez er fyrirliði og mun spila í vinstri bakverðinum með Victor Lindelöf í miðri vörn, að minnsta kosti samkvæmt vefsíðu UEFA, en það gæti auðvitað breyst þegar leikurinn fer af stað.
Noussair Mazraoui spilar sem sóknartengiliður, sem er líklega áhugaverðasta breyting dagsins. Hann kemur í stað Bruno Fernandes, sem er í banni.
United er í leit að fyrsta sigri tímabilsins í Evrópudeildinni, en liðið hefur gert tvö jafntefli.
Fenerbahce: Livakovic; Djiku, Söyüncü, Osayi-Samuel, Müldür; Amrabat, Fred; Tadic, Szymanski, Saint-Maximin; En-Nesyri
Man Utd: Onana; Dalot, De Ligt, Martínez, Lindelöf; Ugarte, Eriksen; Garnacho, Rashford, Mazraoui; Zirkzee.
Tottenham mætir AZ Alkmaar á heimavelli sínum í Lundúnum og gerir Ange Postecoglou margar breytingar. Fraser Forster er í markinu og þá kemur Richarlison inn í byrjunarliðið. Hinn 16 ára gamli Mikey Moore er einnig í liði Tottenham.
Tottenham: Forster; Gray, Dragusin, Davies, Udogie; Maddison, Bentancur, Bergvall; Moore, Richarlison, Werner
AZ: Owusu-Oduro; Maikuma, Penetra, Dekker, Wolfe; Clasie, Mijnans, Belic; Poku, Parrott, Van Bommel
Tveir Íslendingar í hóp
Daníel Tristan Guðjohnsen er á bekknum hjá Malmö sem tekur á móti Olympiakos í Evrópudeildinni og það sama á við um Rúnar Alex Rúnarsson sem er á bekknum hjá FCK sem spilar við Real Betis í Sambandsdeildinni.
Allir leikirnir hefjast klukkan 19:00.
Athugasemdir