Cesc Fabregas.
Lauren, fyrrum varnarmaður Arsenal, er viss um að Cesc Fabregas verði þjálfari í hæsta gæðaflokki.
Fabregas er nú þegar farinn að láta til sín taka í þjálfarabransanum en hann kom ítalska félaginu Como upp í efstu deild þrátt fyrir að vera ekki með tilskilin þjálfararéttindi til að stýra liðinu.
Fabregas er nú þegar farinn að láta til sín taka í þjálfarabransanum en hann kom ítalska félaginu Como upp í efstu deild þrátt fyrir að vera ekki með tilskilin þjálfararéttindi til að stýra liðinu.
Lauren spilaði með Fabregas hjá Arsenal á sínum tíma og hann hefur mikla trú á sínum gamla liðsfélaga.
„Þegar hann var 15 ára þá var hann alveg til í að rífa kjaft við Patrick Vieria, Ray Parlour, Edu, Gilberto og þessa gæja. Hann var þannig persónuleiki að hann gat fyllt í skarð Patrick Vieira og hann gerði það með stæl," sagði Lauren.
„Hann var með hæfileikana en hann vildi bæta sig á hverjum degi. Hann var alltaf fyrstur til að mæta og var bestur á æfingum."
„Hann er með rétta persónuleikann í starfið sitt. Ég er viss um að hann verði stjóri í hæsta gæðaflokki," sagði Lauren.
Athugasemdir
