Víkingur vann sögulegan sigur á Cercle Brugge fyrr í dag. Leikar enduðu með 3-1 sigri Víkinga eru þeir fyrsta íslenska liðið til að vinna leik í aðalkeppni í Evrópu. Fyrsta mark Víkinga skoraði Ari Sigurpálsson en hann mætti í viðtal eftir leik.
Lestu um leikinn: Víkingur R. 3 - 1 Cercle Brugge
„Geggjaður sigur, sögulegur sigur fyrir Víking. Við vissum hvar við gátum meitt þá og við gerðum það svo sannarlega í dag."
„Það var smá „wake up call", allaveganna fyrir mig persónulega. Maður var búinn að vera smá hræddur en svo þurftum við bara að keyra á þá, við höfðum engu að tapa."
Ari skoraði fyrsta mark Víkinga.
„Ég hef gert þetta margoft. Ég ætlaði fyrst að senda fyrir en mér fannst þetta eitthvað skrýtið. Ég var hræddur um að missa boltann. Þannig ég ákvað að fara í trademark-ið mitt og setja hann í fjær."
Ari sá ekki Kevin Denkey í leiknum.
„Það er drulluerfitt að koma á gervigras á Íslandi. Það voru róteringar hjá þeim en markahæsti leikmaður þeirra sást ekki í leiknum."
Viðtalið má sjá í heild sinni í spilaranum hér að ofan.
Athugasemdir