Úr leik Breiðabliks og Víkings fyrr á tímabilinu.
KSÍ hélt sérstakan aukafund í hádeginu í dag þar sem tekin var fyrir beiðni Breiðabliks um frestun á leik Víkings og Breiðabliks í Bestu deild karla sem settur er á sunnudaginn 27. ágúst á Víkingsvelli.
Mótanefnd KSÍ hafði áður hafnað beiðni um frestun á leiknum.
Mótanefnd KSÍ hafði áður hafnað beiðni um frestun á leiknum.
„Á fundinum fór stjórn KSÍ vandlega yfir þá kosti sem eru í stöðunni og forsögu málsins, og staðfesti ákvörðun mótanefndar um að hafna beiðni um frestun," segir á heimasíðu KSÍ.
Mikið leikjaálag hefur verið á Breiðabliki en liðið spilar á fimmtudag seinni leik sinn gegn FC Struga í umspili um sæti í riðlakeppni Sambandsdeildarinnar. Blikar leiða 1-0 eftir fyrri leikinn og eru í dauðafæri á að tryggja sér sæti í riðlakeppninni.
Breiðablik vildi fresta leiknum og var tilbúið að spila í landsleikjaglugganum en mótanefnd hafnaði því. Leikurinn mun því fara fram á sunnudagskvöld klukkan 19:15.
Sjá einnig:
Breiðablik tryggir sér 492 milljónir með því að komast í riðlakeppnina
Athugasemdir
