Mónakó hefur náð persónulegu samkomulagi við Mikautadze og er að vinna í því að ná samkomulagi við Metz um kaupverð á honum.

Mónakó vonast til að klára kaupin á honum áður en EM klárast.

Mikautadze, sem er 23 ára gamall, var keyptur til Metz frá Ajax fyrir um 10 milljónir evra í janúar síðastliðnum. Hann hafði verið keyptur til Ajax síðasta sumar en fékk ekki mikla möguleika þar.

Metz féll í frönsku B-deildina á síðustu leiktíð en Mónakó hafnaði í þriðja sæti deildarinnar.

Mikautadze hefur skorað þrjú mörk með Georgíu á EM en liðið mætir Spáni í 16-liða úrslitunum.