Germany 2 - 0 Denmark
1-0 Kai Havertz ('53 , víti)
2-0 Jamal Musiala ('68 )
Þýskaland er komið í 8-liða úrslit á EM eftir sigur á Danmörku í viðburðaríkum leik.
Nico Schlotterbeck sem var í byrjunarliði Þýskalands í stað Jonathan Tah sem var í banni, kom boltanum í netið strax á fjórðu mínútu en markið var dæmt af fyrir litlar sakir.
Eftir rúmlega hálftíma leik var leikurinn stöðvaður þar sem þrumuveður skall á. Eftir að leikurinn hófst á ný komu Danir tilbúnari í leikinn en staðan markalaus í hálfleik.
Strax í upphafi síðari hálfleiks skoraði Joachim Andersen fyrir Dani en markið var dæmt af þar sem Thomas Delaney var rangstæður í aðrdagandanum en tæpt var það.
VAR skarst aftur í leikinn stuttu síðar og Þýskaland fékk víti þar sem Andersen fékk boltann í höndina eftir fyrirgjöf frá David Raum. Kai Havertz steig á punktinn og skoraði.
Stundafjórðungi síðar komst Jamal Musiala einn í gegn eftir langa sendingu frá Schlotterbeck og skoraði af öryggi og innsiglaði sigur Þjóðverja.
