Landsliðskonan kom til Vålerenga frá Stjörnunni á síðasta ári og var komin í stórt hlutverk í byrjun leiktíðar áður en hún meiddist.

Sædís snéri aftur í leikmannahópinn í síðasta leik en kom ekkert við sögu.

Hún kom inn af bekknum í hálfleik í dag og þakkaði traustið með því að skora fimmta mark liðsins í uppbótartíma. Fyrsta mark hennar fyrir félagið.

Vålerenga er á toppnum í norsku deildinni með 36 stig.

Natasha Moraa Anasi-Erlingsson kom þá inn af bekknum hjá Brann sem vann Lyn, 5-1. Brann er í 3. sæti með 28 stig.