Lestu um leikinn: ÍA 3 -  2 Valur

Þó það hafi verið sól og 12 stiga hiti var nokkuð stífur vindur á annað markið. Var það að trufla Valsmenn eitthvað?

„Nei, ekkert þannig. Við vorum með smá meðvind í fyrri hálfleik og mótvind í seinni. Við spilum á ákveðinn hátt með vindi og öðruvísi á móti. Það er sama fyrir bæði lið."

Valur byrjaði báða hálfleika leiksins mjög vel og voru mikið betri framan af þeim.

„Patrik skorar og mér var sagt að það hafi ekki verið rangstaða og þá hefði verið 1-0. En svo skorum við og í stöðunni 1-0 fékk ég færi og leikurinn hefði breyst ef við hefðum klárað það. Við erum samt að gefa ódýr mörk og færi á okkur eftirá og þegar þeir skora þá koðnum við niður. Því fór sem fór."

Fannst þér þetta bara ekki nógu gott hjá ykkur eða voru skagamenn svona erfiðir?

„Þetta var ekkert frábært hjá okkur nei. Þetta er samt leikur sem mér finnst ég eigi að geta klárað miðað við að skora tvö mörk og fá færi til að skora fleiri. Þeir eru með fínt lið, þeir eru í 4. sætin og vita sín hlutverk. Þeir spila vel upp á sína styrkleika. Mér fannst við samt eiga að gera töluvert betur í dag."

Nánar er rætt við Tryggva í spilaranum að ofan. Aðspurður hvort það hafi truflað Valsmenn mikið að missa Orra Sigurð Ómarsson og Jónatan Inga Jónsson meidda af velli snemma í leiknum sagði hann:

„Já eitthvað, en við erum með fínasta hóp. Þeir hafa báðir verið frábærir fyrir okkur í allt sumar og það er missir af þeim. Elli kemur inn fyrir Orra og skorar og Adam er virkilega góður leikmaður líka. Við eigum alveg að geta leyst þetta þó það séu nokkrir leikmenn í burtu."